گورنر ہاؤس سے آئی ٹی کا کورس کرنے والے طلبہ کو جامعہ کراچی کا امتحان بھی پاس کرنا ہوگا۔
ترجمان جامعہ کراچی کی جانب سے جاری بیان میں کہا گیا ہےکہ سرٹیفکیٹ کے لیے کچھ لازمی شرائط کو پورا کرنا ہوگا۔
ترجمان کے مطابق جامعہ کراچی اور گورنر ہاؤس کے درمیان سرٹیفکیٹ سے متعلق معاہدہ ہوا لیکن عمل نہیں ہوا، سرٹیفکیٹ کے لیے صرف کورس کرنا لازم نہیں کچھ شرائط بھی طےکی ہیں۔
ترجمان کا کہنا تھا کہ جامعہ کراچی کو معاہدے پر عمل سے قبل اکیڈمک کونسل کی منظوری درکار ہوگی، امیدوار کی تعلیم کم از کم انٹر ہونی چاہیے، جامعہ کراچی امیدوار کا ٹیسٹ لےگی، صرف ٹیسٹ پاس کرنے والا امیدوار سرٹیفکیٹ کا اہل ہوگا۔
ترجمان نے واضح کیا کہ انٹر سےکم تعلیم کے حامل امیدوار کو سرٹیفکیٹ جاری نہیں کیا جاسکتا۔
اس سے پہلے ترجمان گورنر ہاؤس نے کہا تھا کہ گورنر انیشیٹیو کے تحت آئی ٹی کورسز کا سرٹیفکیٹ کراچی یونیورسٹی کا ملےگا، اس متعلق مفاہمتی یادداشت پر دستخط ہوچکے ہیں۔