عید کی چھٹیاں ختم، سرکاری دفاتراور کاروباری مراکز دوبارہ کھل گئے

0 10

عیدالفطر کی چھٹیاں ختم ہونے کے بعد سرکاری دفاتر اور کاروباری مراکز دوبارہ کھل گئے۔

خیال رہے کہ حکومت کی جانب سے اعلان کردہ عیدالفطر کی سرکاری تعطیلات ختم ہوگئی ہیں، حکومت کی جانب سے 31 مارچ سے 2 اپریل تک عید کی چھٹیوں کا اعلان کیا گیا تھا۔

سرکاری ملازمین ہفتہ اور اتوار کے ساتھ 5 چھٹیوں سے لطف اندوز ہو ئے اور آج 3 اپریل سے سرکاری دفاتر معمول کے مطابق کھلے ہیں۔

کئی ایسے دفاتر بھی ہیں جن میں ملازمین کے آبائی علاقوں سے واپسی میں تاخیر کی وجہ سے روزمرہ امور کی انجام دہی میں تاخیر کا امکان ہے، دفاتر میں عملے کی حاضری بھی معمول سے کم ہے جبکہ کاروباری مراکز میں معمول کے مطابق کاروباری سرگرمیاں جاری ہیں۔

دوسری جانب پنجاب میں تمام یونیورسٹیز اور کالجز بھی آج (بروز جمعرات) سے کھل گئے ہیں، تاہم سکولوں میں تعطیلات ابھی جاری ہیں، سکولوں میں تعلیمی سرگرمیوں کا آغاز 7 اپریل (بروز پیر) سے ہوگا۔

 

جواب چھوڑیں

آپ کا ای میل ایڈریس شائع نہیں کیا جائے گا.