جماعت اسلامی کےامیرحافظ نعیم الرحمان کےبیان پرترجمان سندھ حکومت گنہورخان اسران کا ردعمل سامنے آ گیا۔
گنہورخان اسران کا کہنا ہے کہ حافظ نعیم الرحمان کی سیاست کی بنیاد ہی الزامات اورجھوٹ پرمبنی ہے، ہمارےترقیاتی منصوبوں پراپنےبینرزاورتختیاں لگا کرکریڈٹ لینےکی کوشش کرتےہیں، کراچی میں17سال سے پیپلز پارٹی کی حکومت کا دعویٰ جھوٹا ہے۔
انہوں نے کہا کہ ماضی میں بلدیاتی حکومت ایم کیو ایم اور قومی اسمبلی میں اکثریت پی ٹی آئی کے پاس رہی، کچھ عرصہ کے اندر پیپلزپارٹی نے کراچی میں اربوں روپے کے ترقیاتی منصوبے مکمل کیے۔
ترجمان سندھ حکومت کا مزید کہنا تھا کہ کچھ جماعتیں صرف جھوٹ اور پروپیگنڈے پر سیاست کر رہی ہیں، حکومت جماعت اسلامی کو کبھی عوام کے ووٹ سے کراچی کی میئرشپ نہیں ملی۔