ٹیکنالوجی کمپنی گوگل کے نئے اے آئی ٹول نے ایک ایسے مسئلے کو صرف دو دنوں میں حل کر دیا جس کو حل کرنے کے لیے انسان سائنس دان ایک دہائی سے کوشاں تھے۔
امپیریل کالج لندن کے محققین کو یہ کامیابی اس وقت حاصل ہوئی جب انہوں نے گوگل کے جدید ترین آے آئی ماڈل ’کو-سائنٹسٹ‘ کو ایک ایسے مسئلے پر آزمایا جس میں وہ عرصے سے پھنسے ہوئے تھے۔
ماڈل میں سائنس دانوں نے کچھ سپر بگز کے اینٹی بائیوٹکس کے خلاف مزاحمت حاصل کرنے کے متعلق ایک مختصر سا پرامٹ ڈالا جس کے بعد انہیں اے آئی کی جانب سے اس حوالے سے متعدد تجاویز ملیں، جس میں وہ جواب بھی تھا کہ جس کو درست خیال کیا جاتا تھا۔
کالج کے ڈپارٹمنٹ آف انفیکشیس ڈیزیز پروفیسر جوز پینیڈیز کا کہنا تھا کہ یہ ایلگوردم دستیاب شواہد کو دیکھنے، تجزیے کے ممکنات، سوال پوچھنے، تجربات بنانے اور اس ہی ہائپوتھیسز پر تھوڑے وقت میں پہنچنے کی صلاحیت رکھتا جس تک پہنچنے کے لیے سائنس دانوں کو برسوں کا عرصہ لگا۔
انہوں نے کہا کہ اس طرح کے اے آئی پلیٹ فارم ابھی بھی ابتدائی مرحلے میں ہے لیکن یہ کہا جا سکتا ہے کہ اس میں سائنس کو سپر چارج کرنے کی صلاحیت ہے۔