ملک ایسے انڈر ٹیکر کے حوالے نہ کریں جس سے ملک جمہوریت کا قبرستان بن جائے، اختر مینگل

اسلام آباد(شوریٰ نیوز)سربراہ بلوچستان نیشنل پارٹی سردار اختر مینگل نے کہا ہے کہ ملک کو ایسے انڈر ٹیکر کے حوالے نہ کریں جس سے ملک جمہوریت کا قبرستان بن جائے۔ نواز شریف کو خط اس لئے لکھا کہ گلے شکوے ہمیشہ گھر کے بڑوں سے کئے جاتے ہیں۔چیئرمین پی ٹی آئی کے دور میں 400کے قریب لاپتا افراد واپس آئے تھے۔جام کمال کے خلاف مجبورا عدم اعتماد لائے،صادق سنجرانی سے گہرے تعلقات ہیں۔سربراہ بلوچستان نیشنل پارٹی سردار اختر مینگل نے نجی ٹی وی کو انٹرویو دیتے ہوئے کہا ہے کہ جام کمال کو ر وز اول سے کہتے رہے کہ آپ کے ساتھ چلنا چاہتے ہیں،جام کمال کو کہتا تھا کہ سب کو ساتھ لے کر چلیں،نیشنل پارٹی کے لوگوں سے بھی دعا سلام ہے،ابھی تک کئی افراد مسنگ ہیں۔انہوں نے ایک سوال کے جواب میں کہا ہے کہ میرے خط سے اتفاق تو بہت سارے لوگ کر رہے ہیں،خطہ میں بلوچستان کے مجموعی حالات کا ذکر کیا ہے۔ نواز شریف کو خط اس لئے لکھا کہ گلے شکوے ہمیشہ گھر کے بڑوں سے کئے جاتے ہیں۔انہوں نے کہا ہے کہ جن کو فیصلہ کرنا ہوتا ہے وہ کسی سے نہیں پوچھتے۔لوگ 90روز کیلئے آتے ہیں سالوں بھی گزار دیتے ہیں۔نگراں وزیراعظم کا کام اس کام کی نگرانی کرنی ہے جو اس کے ذمے دی جائے۔ اختر مینگل نے کہا ہے کہ ملک کو ایسے انڈر ٹیکر کے حوالے نہ کریں جس سے ملک جمہوریت کا قبرستان بن جائے۔ ایم این ایز اور ایم پی ایز کے فنڈز میں رکاوٹ ڈالی جا رہی ہے۔وسائل کی تقسیم مساوی ہوتی تو یہ ٹھیک تھا۔