وزیراعلیٰ پنجاب مریم نوازشریف نے ٹی ڈی سی پی ڈبل ڈیکر بس کے کرایوں میں اضافہ مسترد کردیا۔
ٹورازم ڈویلپمنٹ کارپوریشن پنجاب نے وزیراعلیٰ مریم نوازشریف کے حکم پر کرایوں میں اضافے کا نوٹیفکیشن واپس لے لیا گیا ، ٹی ڈی سی پی کی جانب سے سائٹ سی ان لاہور بس سروس کے کرائے میں 200سے500 روپے تک اضافہ کیا گیا تھا۔
کارپوریٹ سیکٹر،تعلیمی اداروں، کمرشل ایکٹیویٹیز کیلئے کرایوں میں پانچ ہزار سے 20 ہزار تک اضافہ تجویز کیا گیا تھا، وزیراعلیٰ پنجاب مریم نوازشریف نے لاہور کی سیاحت کیلئے 3روٹ پر چلنے والی بس کے کرائے میں اضافے پر اظہار ناپسندیدگی کیا۔
وزیراعلیٰ مریم نوازشریف نے متعلقہ ٹی ڈی سی پی حکام کو کرایوں میں اضافہ واپس لینے کی ہدایت کرتے ہوئے کہا کہ بس سروس عوام کی سیر و تفریح کیلئے شرو ع کی گئی ہے، کرایوں میں اضافے سےعوام پر بوجھ پڑے گا۔
مریم نواز نے کہا کہ عوام کو سیر و سیاحت کی بہترین سہولتیں کم از کم چارجز پر مہیا کررہے ہیں اورکرتے رہیں گے۔