جنگ بندی معاہدے کی خلاف ورزی کرتے ہوئے اسرائیل نے شمالی غزہ پر حملہ کردیا، شجاعیہ کے علاقے میں اسرائیلی حملے میں 2 فلسطینی شہید اور متعدد زخمی ہوگئے۔
اسرائیل نے دعویٰ کیا کہ اسرائیلی فوجیوں پر حملہ کرنے والے متعدد افراد کو نشانہ بنایا گیا، مغربی کنارے میں دہشتگردانہ کارروائیاں جاری رہیں، مزید 13 فلسطینی نوجوان کو گرفتار کر لیا گیا۔
اسرائیل کی جانب سے غزہ میں امدادی سامان کی ناکہ بندی جاری رہی، ایندھن کی کمی کے باعث متعدد بیکریز اور کھانا بنانے والے مراکز بند ہوگئے، اسرائیلی شہر حیفا میں یرغمالیوں کے اہل خانہ اور شہریوں نے شدید احتجاج کیا۔
مظاہرین نے اسرائیلی وزیراعظم نیتن یاہو سے جنگ بندی کا دوسرا مرحلہ جلد شروع کرنے کا مطالبہ کیا۔