سندھ حکومت نے ایس ایس پی حیدرآبادکا تبادلہ کرکے وکلا کا تنازع ختم کردیا

0 15

سندھ حکومت نے ایس ایس پی حیدرآباد ڈاکٹر فرخ علی لنجھار کا تبادلہ کرکے وکلاکا جاری تنازع ختم کردیا۔

ایس ایس پی حیدرآباد کے تبادلے کے بعد وکلا کی جانب سے عدالتی بائیکاٹ ختم کردیا گیا، اس موقع پر حیدرآباد ڈسٹرکٹ بار میں وکلا نے ایس ایس پی ڈاکٹر فرخ علی لنجھار کے تبادلے کی خوشی میں ایک دوسرے کو مبارکباد دی، جشن منایا اور نعرے لگائے۔

ڈسٹرکٹ بار صدر اشعر مجید نے کہا کہ وکلاکی جدوجہد کے بعد ایس ایس پی حیدرآباد فرخ لنجار کا تبادلہ کردیا گیا ہے جس کا باضابطہ نوٹیفکیشن بھی جاری ہوگیا ہے۔

اشعر مجید نے کہا کہ ہماری کوئی ذاتی لڑائی نہیں تھی یہ وکلا کے عزت و وقار کا مسئلہ تھا تاہم صبح ہزاروں کی تعداد میں وکلا 26 ویں آئینی ترمیم اور دریائے سندھ پر بننے والے کینال کے خلاف اجتجاجاً مارچ کی صورت میں وزیراعلیٰ ہاؤس پہنچ کر پرامن احتجاج ریکارڈ کرائیں گے۔

ایس ایس پی کا معاملہ کیا تھا؟

گزشتہ ماہ حیدرآباد میں بھٹائی نگر پولیس نے علی رضا ایڈووکیٹ کے خلاف جعلی نمبر پلیٹ لگانے کے الزام میں جعلسازی اور فراڈ کی دفعات کے تحت مقدمہ درج کر کےکار تحویل میں لےلی تھی جس پر وکلا برادری نے ایس ایس پی آفس حیدرآباد میں دھرنا دیا تھا۔

وکلا کا مطالبہ تھا کہ بھٹائی نگر تھانےکے ایس ایچ او اور ایس ایس پی حیدرآباد فرخ لنجھار کو برطرف کرکےمقدمہ ختم کیا جائے۔

 

جواب چھوڑیں

آپ کا ای میل ایڈریس شائع نہیں کیا جائے گا.