پاکستان سٹاک ایکسچینج میں ایک لاکھ 14 ہزار پوائنٹس کی حد بھی بحال ہوگئی۔
کاروباری ہفتے کے پانچویں اور آخری روز سٹاک مارکیٹ میں کاروبار کے آغاز پر تیزی دیکھنے میں آ رہی ہے، 900 سے زائد پوائنٹس کے اضافے کے ساتھ پاکستان سٹاک ایکسچینج میں ہنڈرڈ انڈیکس ایک لاکھ 14 ہزار 684 پوائنٹس کی حد کو چھو گیا۔
واضح رہے کہ گزشتہ کاروباری دن کے اختتام پر 1400 سے زائد پوائنٹس کے اضافے کے ساتھ ہنڈرڈ انڈیکس ایک لاکھ 13 ہزار 713 پوائنٹس پر بند ہوا تھا۔
دوسری جانب انٹر بینک میں امریکی کرنسی مزید 7 پیسے سستی ہوئی جس کے ساتھ انٹربینک میں ڈالر 279.82 روپے سے کم ہو کر 279.75 روپے پر آگیا ہے۔