امریکی صدر ڈونلڈ ٹرمپ کی ایک بار پھر یوکرینی صدر پر شدید تنقید کر ڈالی۔
امریکی صدر ڈونلڈ ٹرمپ نے کہا کہ ہم نے یورپ سے زیادہ یوکرین کو نوازا، زیلنسکی کو تعریف کرنی چاہئے تھی امریکا نے اس کا ساتھ دیا، زیلنسکی امن نہیں چاہتے، یوکرینی صدر جنگ بندی میں دلچسپی نہیں رکھتے۔
ڈونلڈ ٹرمپ نے کہا کہ یوکرینی صدر کے جذباتی مؤقف کی مزید تائید نہیں کی جاسکتی، زیلنسکی کو مذاکرات کیلئے سنجیدہ ہونا پڑے گا، یوکرین کے ساتھ معدنیات کا معاہدہ امریکا کیلئے بہت اچھا ہے، کینیڈا اور میکسیکو پر کسٹم ڈیوٹی کا نفاذ آج شروع ہوجائے گا۔
امریکی صدر کا مزید کہنا تھا کہ امریکا اور تائیوان کی مینو فیکچرنگ کمپنی کے درمیان بھی معاہدہ طے پا گیا ہے۔