ٹیکنالوجی کمپنی مائیکرو سافٹ بالآخر اپنی مشہور زمانہ ویڈیو ایپلی کیشن اسکائیپ بند کرنے جا رہی ہے۔
اس ایپلی کیشن کو صارفین 20 برس سے زیادہ عرصے سے استعمال کر رہے ہیں اور ایک وقت ایسا تھا جب میں ویڈیو کال کے لیے یہ لازمی سمجھی جاتی تھی۔
لیکن گزشتہ چند برسوں میں واٹس ایپ سے لے کر ایپل کی آئی میسج تک اور ان کے علاوہ پیشہ ورانہ استعمال کے لیے زوم جیسے متبادل نے اس کی جگہ لی اور اس ایپ کا استعمال کم ہوتا گیا۔
اب اسکائیپ کی مالک کمپنی مائیکرو سافٹ کا کہنا ہے کہ وہ اس سروس کو بند کرنے جا رہی ہے۔
کمپنی کے مطابق صارفین یا تو اپنا ڈیٹا ایکسپورٹ کر کے لے جا سکتے ہیں یا پھر مائیکرو سافٹ کے ٹیمز میں منتقل کر سکتے ہیں جس میں کئی چیٹ اور کالنگ فیچر موجود ہیں۔
مائیکرو سافٹ ٹیمز پر ایک مائیگریشن سروس شروع کرے گاتاکہ صارفین گروپ چیٹس اور اس جیسے ڈیٹا کو منتقل کر سکیں۔