مشہور و معروف زنگ آلود رنگت کیوجہ سے مریخ کو طویل عرصے سے ’سرخ سیارہ‘ کہا جاتا ہے۔ اور اب سائنسدانوں نے اس مخصوص رنگ کا ممکنہ ذریعہ دریافت کر لیا ہے۔
مریخ ہمارے نظام شمسی میں سب سے زیادہ مطالعہ کیا جانا والا سیارہ کیونکہ اس کی زمین سے قربت اور پچھلی چند دہائیوں کے دوران متعدد خلائی جہازوں نے اس کا دورہ کیا ہے۔
وہاں کا دورہ کرنے والے لینڈرز نے سائنس دانوں کو اعداد و شمار فراہم کیے ہیں جس سے ظاہر ہوتا ہے کہ مریخ کا سرخ رنگ اس مٹی کے اندر موجود لوہے کی معدنیات سے آتا ہے جو سیارے کو لپیٹ میں لے لیتا ہے۔
اعداد و شمار کے مطابق کائناتی تاریخ کے کسی موڑ پر مریخ کی چٹانوں کے اندر لوہے نے پانی یا پانی اور ہوا میں آکسیجن کے ساتھ رد عمل ظاہر کیا تھا جس سے آئرن آکسائیڈ پیدا ہوا۔ اربوں سالوں میں، آئرن آکسائیڈ ہواؤں کی طرف سے منتقل ہونے کے بعد دھول میں بدل گیا اور سیارے پر جم گیا۔
مریخ پر آئرن آکسائیڈ کے پچھلے تجزیوں میں پانی کے ایسے کسی ثبوت کا پتہ نہیں چلا تھا جس کی وجہ سے محققین کا ماننا تھا کہ آئرن آکسائیڈ ہیمیٹائٹ، جو کہ خشک معدنیات ہے، کی وجہ سے ہے۔