غزہ میں فلسطین کے انفارمیشن سینٹر نے جمعے کی رات بتایا کہ غاصب صیہونی حکومت جنگ بندی معاہدے کی 350 بار خلاف ورزی کرچکی ہے
ارنا نے المسیرہ ٹی وی کے حوالے سے رپورٹ دی ہے کہ غاصب صیہونی حکومت انسانی پروٹوکول کے نفاذ سے متعلق جنگ بندی معاہدے کی شق کی مسلسل خلاف ورزی کر رہی ہے اور اب تک اس کی خلاف ورزیوں کی تعداد 350 تک پہنچ چکی ہیں۔
فلسطین انفارمیشن سینٹر نے مزید بتایا ہے کہ جنگ بندی معاہدے پر عمل درآمد شروع ہونے کے بعد سے صیہونی فوجیوں کے حملوں میں اب تک 100 فلسطینی شہید اور 820 زخمی ہوچکے ہیں ۔
واضح رہے کہ سات اکتوبر 2023 سے 19 جنوری 2025 تک غزہ پر غاصب صیہونی حکومت کے وحشیانہ ترین حملے جاری رہے لیکن یہ حکومت حماس کو ختم کر دینے اور اسرائیلی جنگی قیدیوں کو آزاد کرانے کے اپنے اعلانیہ اہداف میں کامیاب نہ ہوسکی اور حماس کے ساتھ جنگ بندی معاہدے پر مجبور ہوگئی۔