آئی سی سی چیمپئینز ٹرافی میں پاک بھارت میچ سے قبل سندھ حکومت نے بڑا فیصلہ کرلیا۔
رپورٹ کے مطابق چیمپئینز ٹرافی میں روایتی حریف پاکستان اور بھارت کے درمیان اہم ٹاکرے سے قبل سندھ حکومت نے کراچی سمیت صوبے میں 23 فروری کو بڑی اسکرینیں لگانے کا فیصلہ کیا ہے۔
صوبائی وزیر کھیل محمد بخش مہر نے کہا ہے کہ کراچی، حیدرآباد اور لاڑکانہ میں پاک بھارت میچ کیلئے اسکرینز نصب کی جائیں گی۔
اسی طرح گھوٹکی سمیت 30 اضلاع میں بھی پاک بھارت میچ لائیو دکھانے کا اہتمام کیا جائے گا۔
صوبائی وزیر نے مزید کہا کہ کراچی کے ساحلِ سمندر سی ویو پر بھی شائقین کرکٹ کیلئے لائیو میچ نشر کرنے کا انتظام ہوگا۔
جبکہ سندھ یوتھ کلب گلستانِ جوہر میں بڑی اسکرین پر میچ لائیو دکھایا جائے گا۔