پاکستان سٹاک ایکسچینج میں کاروبار کے دوران اتار چڑھاؤ کا سلسلہ جاری ہے۔
کاروباری ہفتے کے پہلے روز سٹاک مارکیٹ میں کاروبار کے آغاز پر تیزی دیکھنے میں آئی جو کہ زیادہ دیر تک برقرار نہ رہ سکی۔
بعدازاں ٹریڈنگ کے دوران پاکستان سٹاک ایکسچینج منفی زون میں چلی گئی، 200 سے زائد پوائنٹس کی کمی کے ساتھ انڈیکس ایک لاکھ 10 ہزار 101 پوائنٹس کی سطح پر ٹریڈ کر رہا ہے۔
واضح رہے کہ گزشتہ کاروباری ہفتے کے آخری روز کاروباری دن کے اختتام پر پاکستان سٹاک ایکسچینج میں 100 انڈیکس 21 پوائنٹس اضافے کے ساتھ ایک لاکھ 10 ہزار 322 پوائنٹس کی سطح پر بند ہوا تھا۔
دوسری جانب انٹر بینک میں امریکی کرنسی مزید 5 پیسے سستی ہوئی ہے، انٹر بینک میں ڈالر 279 روپے 5 پیسے سے کم ہو کر 279 روپے پر آ گیا ہے۔