یورپی یونین میں متعارف کرائی گئی نئی ہدایات کے تحت یورپ میں ویب کیم اور وائس ریکانیشن سسٹمز کے ذریعے ملازمین کے جذبات جاننے کی صلاحیت رکھنے والی آرٹیفیشل انٹیلی جنس پر پابندی عائد کر دی گئی۔
خبر رساں ادارے کے مطابق 2 اگست کے بعد سے یورپی یونین کے ممالک میں ویب سائٹس کے اے آئی ٹیکنالوجی (جو لوگوں کو جھانسہ دے کر پیسے خرچ کرواتی ہیں) کا استعمال بھی ممنوع ہوجائے گا۔
یورپین کمیشن کے تحت گزشتہ برس تشکیل پانے والا آرٹیفیشل انٹیلی جنس ایکٹ دنیا کا پہلا مفصل اے آئی ضوابط کا سیٹ ہے جس کا مقصد لوگوں کو اے آئی پر مبنی امتیازی سلوک، ہراسانی اور دھوکا دہی سے بچانا ہے۔
نئی ہدایات کے مطابق مالکان ملازمین کے جذبات ٹریک کرنے کے لیے ویب کیم اور آواز شناخت کرنے والے سسٹم بھی استعمال نہیں کر سکیں گے جبکہ قانون نافذ کرنے کے مقاصد کے لیے اے آئی پر مبنی چہروں کی شناخت کرنے والی ٹیکنالوجی کے حامل موبائل سی سی ٹی وی کیمروں کا استعمال کچھ استثناء کے ساتھ ممنوع ہوگا۔