’ٹیم میں شمولیت کی توقع نہیں تھی‘، بھارتی بلے باز کا بیان

چیمپئنز ٹرافی 2025 کے اسکواڈ میں نظر انداز ہونے والے بھارتی بلے باز کرُن نائر کا کہنا ہے کہ ان کو ٹیم میں شمولیت کی توقع نہیں تھی۔

بھارت کے وجے ہزارے ڈومیسٹک ٹورنامنٹ میں شاندار کارکردگی دکھانے والے کرُون نائر کو چیمپئنز ٹرافی کی ٹیم سے نظر انداز کرنے پر بھارتی سلیکٹرز کو کڑی تنقید کا سامنا تھا۔

بلے بازنے ذرائع ابلاغ سے بات کرتے ہوئے کہا کہ ایمانداری کی بات ہے کہ ڈومیسٹک ٹورنامنٹ سے قبل انہوں نے چیمپئنز ٹرافی کے اسکواڈ میں شمولیت کا نہیں سوچا تھا۔ کم از کم اس چیز کے لیے ابھی خود کو بہت دور سمجھتے ہیں۔

انہوں نے کہا کہ جیسا کہ وہ پہلے بھی کہہ چکے ہیں کہ آپ کے خواب ہوتے ہیں، خیالات ہوتے ہیں، آپ زندگی میں کچھ حاصل کرنا چاہتے ہیں۔ آپ یہ نہیں سوچ رہے ہوتے کہ ’میں یہ کر جاؤں گاْ/گی‘، آپ سوچتے ہیں کہ ’میں چاہتا/چاہتی ہوں کہ یہ ہوجائے‘۔

کرُون نائر نے مزید کہا کہ بھارت کے لیے ٹیسٹ کرکٹ کھیلنا ان کا اب بھی ایک خواب ہے۔ ایمانداری کی بات ہے کہ یہی ان کے دماغ میں ہے۔