پاک افغان ون ڈے سیریز 22 تا 26 اگست کھیلی جائے گی

ہمبنٹوٹا (شوریٰ نیوز) پاک افغان ون ڈے سیریز 22 تا 26 اگست کھیلی جائے گی،تین ون ڈے انٹرنیشنل میچوں کی سیریز سری لنکا میںہو گی،افغانستان کرکٹ بورڈ۔ یہ سیریز فیوچر ٹور پروگرام کا حصہ ہے۔ پہلا ون ڈے انٹرنیشنل 22 اگست کو ہمبنٹوٹا میں کھیلا جائے گا۔ دوسرا ون ڈے بھی 24 اگست کو ہمبنٹوٹا میں ہوگا جبکہ کولمبو 26 اگست کو تیسرے اور آخری ون ڈے انٹرنیشنل کی میزبانی کرے گا۔یاد رہے کہ پاکستان اسوقت آئی سی سی کی عالمی ون ڈے رینکنگ مین دوسرے نمبر پر ہے جبکہ افغانستان کا نمبر آٹھواں ہے۔پاکستانی ٹیم سترہ اگست کو سری لنکا پہنچے گی اورانیس سے اکیس اگست تک ہمبنٹوٹا میں ٹریننگ کرے گی،ٹیم 27 اگست کو وطن واپس روانہ ہوگی۔