چیئرمین پاکستان کرکٹ بورڈ (پی سی بی) محسن نقوی نے امریکا کےکرکٹ کوچز کو پاکستان میں تربیت دینےکی پیشکش کردی۔
چیئرمین پی سی بی نے واشنگٹن میں یو ایس اےکرکٹ کے چیف ایگزیکٹو آفیسر (سی ای او) جوناتھن ایٹکیسن سے ملاقات کی۔
ملاقات میں اتفاق ہوا کہ دونوں ملکوں کے بورڈز کرکٹ سیریز کرانےکے پروگرام کو حتمی شکل دیں گے۔
چیئرمین پی سی بی محسن نقوی نے یو ایس اے کرکٹ کے سی ای او کو ہر ممکن معاونت کی یقین دہانی کرائی اور کہا کہ امریکا میں کرکٹ کے فروغ کے لیے پی سی بی بھرپور تعاون کرےگا۔ محسن نقوی نے امریکا کے کوچز کو پاکستان میں تربیت دینے کی پیشکش بھی کی۔
محسن نقوی نے یو ایس اے کرکٹ کے سی ای او کو چیمپئنز ٹرافی کے میچز دیکھنےکے لیے پاکستان آنےکی دعوت بھی دی۔
یو ایس اے کرکٹ کے سی ای او نے چیمپئنز ٹرافی ٹورنامنٹ کی دعوت پر چیئرمین پی سی بی محسن نقوی کا شکریہ ادا کیا۔