ملک کا سب سے زیادہ برآمدات کرنے والا سیکٹر ٹیکسٹائل مشکلات کا شکار ہے۔
مہنگی بجلی اور کاروباری مشکلات کے باعث ٹیکسٹائل انڈسٹری کو بڑا دھچکا لگا، ملک میں ٹیکسٹائل انڈسٹری کے 33 فیصد یونٹس بند ہو چکے ہیں۔
دنیا نیوز کو دستیاب دستاویزات کے مطابق پاکستان کی 568 ٹیکسٹائل ملز میں سے 187 بند ہو چکی ہیں، سب سے زیادہ ملز پنجاب میں بند ہوئیں، پنجاب میں 147 ٹیکسٹائل ملز، سندھ اور بلوچستان میں 54 ملز بند ہوچکیں جبکہ پختونخوا میں 6 ملز بند ہوئیں۔
دستاویزات میں مزید بتایا گیا کہ قصور میں 47 اور ملتان میں 33 ملز بند ہوئی ہیں جبکہ فیصل آباد میں 31، شیخوپورہ میں 11 اور ساہیوال میں 17 ٹیکسٹائل ملز بند ہو چکی ہیں۔
ذرائع نے بتایا ہے کہ ملز کی بندش کی وجہ مہنگی بجلی کے علاوہ سخت معاشی صورتحال بھی ہے۔