پاکستانی ہاکی ٹیم کو ایشین چیمپئینز ٹرافی کیلئے بھارتی ویزے جاری

چنائی(شوریٰ نیوز) اپاکستانی ہاکی ٹیم کو ایشین چیمپئینز ٹرافی کیلئے بھارتی ویزے جاری، ایشین ہاکی چیمپئینز ٹرافی 3 اگست سے چنائی میں شروع ہورہی ہے، جس میں شرکت کیلئے پاکستانی ٹیم کی 31 جولائی کو بکنگ کروائی گئی ہے۔پاکستان ہاکی فیڈریشن حکام کو ویزوں کے اجرا کے حوالے سے آگاہ کردیا گیا ہے تاہم 2 سے 3 آفیشلز کے ویزے ابھی التوا کا شکار ہیں جنہیں جلد ویزے جاری کردیئے جائیں گے۔ایشین چیمپئنز ٹرافی؛ قومی ہاکی ٹیم نے بھارت کے ویزا کیلئے اپلائی کردیاقومی ٹیم کے کنلسٹنٹ شہناز شیخ کا نام بھی بھارت کی جانے والی ٹورنگ پارٹی بھی شامل ہے تاہم ان کا ویزا پراسس ابھی شروع ہوا ہے۔ ہمسایہ ملک قومی ٹیم کی روانگی حکومتی اجازت سے مشروط ہے جس کیلئے ایک سے دو روز میں این او سی جاری کردیا جائے گا۔پاکستان ہاکی فیڈریشن کے صدر بریگیڈئر ریٹائرڈ خالد سجاد کھوکھر بھی بھارت جائیں گے۔واضح رہے کہ ایشین چیمپئینز ٹرافی میں قومی ٹیم روایتی حریف کے خلاف 9 اگست کو مدمقابل آئے گی۔