پاکستان کوغیر ملکی امداد میں 12ارب ڈالر کی کمی کا سامنا

اسلام آباد(شوریٰ نیوز) پاکستان کوغیر ملکی امداد میں 12ارب ڈالر کی کمی کا سامنا،گزشتہ مالی سال میں غیرملکی فنانسنگ میں 53 فیصد کمی کا انکشاف۔پاکستان کو گزشتہ مالی سال 2022-23 میں مجموعی طور پر 10 ارب 88 کروڑ ڈالر کا قرضہ ملا ہے جوکہ گزشتہ مالی سال کیلیے غیر ملکی امداد کے بجٹ 22 ارب 88 کروڑ ڈالر کے بجٹ تخمینہ سے بارہ ارب ڈالر کم ہے۔مالی سال 2022-23میں مجموعی غیرملکی سرمایہ کاری میں 77 فیصد کمی،اس حوالے اقتصادی امور ڈو یژن کے اعدادوشمار میں بتایا گیا کہ غیر ملکی امداد میں 12 ارب ڈالر کی کمی کا سامنا رہا۔رپورٹ میں بتایا گیا کہ ایشیائی ترقیاتی بینک نے 2 ارب 26 کروڑ ڈالر قرض دیاجبکہ عالمی بینک نے ایک ارب 80 کروڑ ڈالر قرض دیا۔اقتصادی ڈویژن کے مطابق گزشتہ مالی سال2022-23 عالمی مالیاتی اداروں سے 7 ارب 67 کروڑ ڈالر کی امداد کا ملنے تخمینہ تھا۔