ملتان ٹیسٹ میں ویسٹ انڈیز کے خلاف پاکستان 3 اسپنرز کیساتھ کھیلے گا۔
جمعے سے پاکستان اور ویسٹ انڈیز کے درمیان آئی سی سی ٹیسٹ چیمپئن شپ کا پہلا ٹیسٹ ملتان میں شروع ہورہا ہے۔
پاکستان ٹیم منیجمنٹ اور سلیکشن کمیٹی نے ملتان ٹیسٹ کیلئے 3 اسپنرز اور ایک فاسٹ بولر کے ساتھ کھیلنے کا فیصلہ کیا ہے۔
گزشتہ سال اکتوبر میں پاکستان نے انگلینڈ کو ملتان کے دوسرے ٹیسٹ میں 152 رنز سے شکست دی تھی، اس ٹیسٹ میں بھی پاکستان 3 اسپنرز اور ایک فاسٹ بولر کے ساتھ کھیلا تھا۔
اطلاعات کے مطابق ملتان ٹیسٹ کیلئے پاکستان کا ممکنہ پلیئنگ الیون شان مسعود (کپتان) امام الحق، بابر اعظم، کامران غلام، سعود شکیل، محمد رضوان ( وکٹ کیپر)، سلمان علی آغا، نعمان علی، ساجد خان، ابرار احمد، خرم شہزاد یا پھر محمد علی پر مشتمل ہوگا۔