پاکستان میں انتخابات کا اعلان خوش آئند ہے، الزبتھ ہرسٹ

واشنگٹن(شوریٰ نیوز) پاکستان میں انتخابات کا اعلان خوش آئند ہے، امریکا اور پاکستان کے کئی معاملات میں مشترکہ مفادات ہیں،امریکا نے وزیراعظم شہباز شریف کی جانب سے حکومت کی مدت پوری ہونے کے بعد انتخابات کے اعلان کو حوصلہ افزا قرار دیتے ہوئے کہا ہے کہ پُرامن اور منصفانہ الیکشن کے انعقاد کی امید کرتے ہیں۔ ان خیالات کا اظہار امریکا کی نائب معاون وزیر خارجہ الزبتھ ہرسٹ نے کیا اور پاکستان کے ساتھ پائیدار شراکت داری کے عزم کا بھی اظہار کیا۔انہوں نے اپنے بیان میں معیشت اور موسمیاتی تبدیلیوں کے باعث غیر متوقع بارشوں اور سیلاب کو پاکستان کے لیے بڑے چیلنجیز قرار دیدیا۔ امریکا نے پاکستان کے سیلاب متاثرین 215 ملین ڈالر امداد بھی دی۔ پاکستانی مصنوعات کا سب سے بڑا خریدار امریکا ہے جس کا ثبوت یہ ہے کہ گزشتہ برس 9 بلین ڈالر کی تجارت ہوئی جب کہ امریکا کی طرف سے براہ راست غیرملکی سرمایہ کاری 250 ملین ڈالر رہی۔ امریکا اور پاکستان متعدد معاملات میں مشترکہ مفادات ہیں۔ پاکستان کو چیلنجز سے نمٹنے کے لیے ہر ممکن مدد فراہم کریں گے۔وزیراعظم شہباز شریف کی جانب سے حکومت کی مدت پوری ہونے پر انتخابات کے اعلان کو خوش آئند قرار دیتے ہوئے الزبتھ ہرسٹ نے کہا کہ امریکا دنیا میں جمہوریت کا سب سے بڑا حامی ہے۔امریکی وزیر خارجہ کی نائب معاون الزبتھ ہرسٹ نے اس امید کا بھی اظہار کیا کہ پاکستان میں الیکشن آزادانہ، منصفانہ اور پُر امن ہوں گے۔