عوام کو ن لیگ کو ووٹ دے کر استحصال کابدلہ لینا ہو گا، شہباز شریف

فیصل آباد(شوریٰ نیوز) وزیراعظم شہباز شریف نے کہا ہے کہ عوام کو ن لیگ کو ووٹ دے کر استحصال کابدلہ لینا ہو گا، نواز شریف کو پاناما اسکینڈل میں نام نہ ہونے کو باوجود سزا دی گئی، نواز شریف کے خلاف سازشی ٹولے کا سربراہ ثاقب نثار تھا ،انہوں نے ستیانہ بائی پاس کا سنگ بنیاد رکھنے کی تقریب سے خطاب کرتے ہوئے کہا کہ بجلی مہنگی کرنے کے معاملے میں مجبوراً آئی ایم کی شرط پوری کرنی پڑی، عمران خان کہتا تھا مرجاؤں گا مگر آئی ایم ایف کے پاس نہیں جاؤں گا لیکن اس نے آئی ایم ایف سے معاہدہ کیا اور اپنا ہی کیا گیا معاہدہ توڑ کر سارا بوجھ اگلی حکومت پر منتقل کردیا۔وزیراعظم نے عوام کو مخاطب کیا کہ 2018ء کے انتخابات میں ن لیگ کا مینڈیٹ چرا کر بہروپیے حکومت میں لائے گئے، آپ لوگوں کو اس بار ن لیگ کو ووٹ دے کر بدلہ لینا ہے، اگلے وزیراعظم نواز شریف ہوں گے، ن لیگ کو اگلے پانچ سال کا مینڈیٹ ملا تو ملک کی قسمت بدل دیں گے۔ مولانا فضل الرحمان ہمارے اتحادی ہیں بلکہ ن لیگ کا جے یو آئی کے ساتھ قدرتی رشتہ ہے۔