ایمرجنگ ایشیاکپ،پاکستان نے سری لنکا کو 323 رنز کا ہدف دیدیا
پاکستان کی جانب سے عمر بن یوسف نے 88 رنز کی اننگزمیں شاندار کھیل کا مظاہرہ کیا
کولمبو (شوریٰ نیوز) ایمرجنگ ایشیاکپ،پاکستان نے سری لنکا کو 323 رنز کا ہدف دیدیا،پاکستان کی جانب سے عمر بن یوسف نے 88 رنز کی اننگزمیں شاندار کھیل کا مظاہرہ کیا،اے سی سی مینز ایمرجنگ ایشیاکپ کے پہلے سیمی فائنل میں پاکستان نے سری لنکا کو 323 رنز کا ہدف دیدیا۔کولمبو کرکٹ اسیٹیڈیم میں کھیلے جارہے میچ میں پاکستان کے کپتان محمد حارث نے ٹاس جیت کر پہلے بیٹنگ کرنے کا فیصلہ کیا، پہلے بیٹنگ کرتے ہوئے قومی ٹیم نے مقررہ 50 اوورز میں 322 رنز بنائے۔پاکستان کی جانب سے عمر بن یوسف نے 88 رنز کی شاندار اننگز کھیلی جبکہ کپتان محمد حارث 52 اور مبصر خان 42 رنز بناکر نمایاں رہے، دیگر کھلاڑیوں میں صائم ایوب 22، صاحبزادہ فرحان 12، طیب طاہر 26، قاسم اکرم 8، عماد بٹ 7 جبکہ محمد وسیم جونئیر 24 رنز بناسکے۔سری لنکا کی جانب سے لاہیرو سماراکون، پرمود مدوشن اور چمیکا کرونارتنے نے 2،2 جبکہ ڈینوتھ ویلانگے ایک وکٹ حاصل کی۔